رخصة النشر (Syndication)29 يوليو 2008
يا بعد هالدنيا كيف انته تغيب = والشمع لا طال وقته إنطفا
مع غروب الشمس سافر هالحبيب = والجفن سهران ما عمره غفا
تدري لو ترجع بأحضاني حبيب = وترجع ايامي مع ايام الهنا
كان انا لك جرح وانته لي طبيب = والسنا يلعب بإطرافه هوا
من رحلت وصرت بالدنيا غريب = مالي غير الهم والهم له انا
تراك يا خلي اقرب لي قريب = لا زارني طيفك ينسيني العنا
شفني كم مره من سهومك صويب = أكثّر دموعي واقول الله لنا
شفني كم مره أعدلها وتخيب = لو قلت يا خلي هنا تطلع هنا
ما عمرها صابت ولو حظي يصيب = ما عمرها تروي إلي ما ارتوا
ياخي أرحمني ترى ليلي كئيب = كل نجمٍ في سما ليلي إنطوا
من بعد عقلي كل افعالي تعيب = والسبه انته ليش تعاملني كذا ؟
إرجع لعقلك قبل شعري يشيب = قبل لا القى لأمراضي دوا
إرجع وخل العلاقه لو تجيب = شرها نبقى انا وانته سوا
يا بعد هالدنيا كيف انته تغيب = والشمع لو طوّل شويه طفا
مع غروب الشمس سافر هالحبيب = والجفن سهران ما عمره غفا
30/07/2008 على الساعة 11.19:14
من طرف عقيل كريزم