adnan-kriazem.04live.com - مدونة أول مدونة : آخر المقالات

موت قهر يالعاذل ما دام مواسيك = لولا إحترامي كان والله علمتك
تشوف الناس غلط والغلط هو فيك = وإن كان ما تفهم قصدي فهمتك
لا تطالب في الفراق تراه بيجيك = دسمت شاربي فيك ودسمتك
ولو إن الغلط سمه ومرتبي فيك = كان في عمادة الدشير رسمتك
لا تحسب اني امدحك وانا ارثيك = يا صغيّر روّح والله اني رحمتك
مسجون يبصم تعهد ويواليك = وانا على فرقى المشاعر بصمتك
عطني خفاياك ولك إلي يعطيك = سكينٍ يقطع فيك وإلا فرّمتك
أحملك مع صيتك وبالقوه ارميك = لكن حسافه إني في يوم كرمتك
إجلس وفسر هالحكي مع معانيك = بعض الحكي يطلع وانا ما كلمتك
لا صادك الرادار ما ينفع بريك = سرعتك مجنونه وعليها غرّمتك
بيتك تهدم شوف من هو معاليك = جمعتك حطامٍ وانا إلي رممتك
رميت سهمي فيك ولاني مخطيك = للقدر سلمتك وله هو حكمتك

Admin · شوهد 10 مرة · 0 تعليق

30 يوليو 2008

احبك حب عدنان ولينا

أُحَبْكِ كُثَرُ مَا فَيَنَا و فَيَنَا = أَحَبْكِ حُبْ عَدَنَانٍ و لَيَنَا
أُحَبْكِ كُثَرُ مَا بَانَت نَجُومٍ = أَضَاءَتَ مَنْ سَنَاهَا بَحْرُ سِيَنَا
أحبكِ كُل مَاَ هَبَتَ هَبَاَيْبَ = تَزْيِد العَقَبْ فَيْ الاجَوَاءِ زِيَنَا
يَغَارُ القَمَرْ مِنْ حُبِيْ وحُبْكْ = تُلاقِيَنَا حَيّثُ مَا تُلاقِيَنأ
يَتَوهْ الوَجَدُ مِنْ حَرّةْ فُؤادٍِ = يُسَمْع لَهُ من حَرّت وَنَيِنَا
قَدْ قالوا من قَدْيَمْ ( الحَبْ عِلَمَاً) = وأنَا فيه أفَضَلُ الدَارسِينَا
ألا يا عيطموس البنت هاتي = بخصلة شعرها تسوى سنينا
تُسابقها العذارى لجلب دفءٍ = بخفة ظل جابتهم حنينا
تعاندني الجروح ولا أُعاند = بنظرة عينها تشفي الونينا
تنوخ عِظامها من زود لينٍ = يصافح جسدها البياض لينا
يزيد جمالها وجود شامه = على الخد الذي كما العجينا
نَاظِروها يروق لمن يُناظر = أخافُ ان ينتحر الناظيرينا
سهرت لعينها الحلوه ليالٍ = أبطى على سْهَرَيَ الساهرينا
لا تنسي إني في يومٌ عشقتكْ = على كُثر ما يسأل السائلينا
أُحَبْكِ كُثَرُ مَا فَيَنَا و فَيَنَا = أَحَبْكِ حُبْ عَدَنَانٍ و لَيَنَا

Admin · شوهد 16 مرة · 0 تعليق

30 يوليو 2008

ابيات من كتاباتي تقرا عموديا وافقيا

شـــاعر وأقولها بالفم شاعر
وأقولها وإلي يحكـــي يساير
بالفم يحكــي وللـــهم خاطر
شاعر يسايــر خاطــر مشـاعر

Admin · شوهد 14 مرة · 0 تعليق

30 يوليو 2008

راجعي نفسك ...

راجعي نفسك عشاني الفراق ترى ثواني ثم يجي بعده تفاني وش يفيد وش يفيد
=
تظلم الدنيا علينا يا بعد قلبي تبينا نفقد الماضي وحينا وحنا في حب(ن) مجيد
=
تفرح العذال في فرقاك وابكي من عساك ويا عساك الكل شافك في سماك إلي بعيد
=
تدري وش حارق قليبي غير بعدك يا نصيبي وين هو يا ناس حبيبي اسمها يبدا بسين
=
شاعرك ماهوب بضامي محارب(ن) حامي بحامي مزلزل الشعر إسنامي مبتعد وإلا اقترب
=
قالوا كم انته تحبه واوصفه حبه بحبه واعمل من الحبه قبه وابتدا شغل الشغب
=
شعرها مثل الجبال الشامخات الملمسات والعين كم منها واحد قتل كيف عاد الهدب
=
لا سلهم الهدب وقام يلعب الرمش الحسام ويكسر الناظر عيونه وش يسوي الله يعين
=
جادل(ن) مطرق جسدها مهمهم(ن) توفي وعدها ميلها ميلة نهدها ما يفكها اي احد
=
لا اقبلت تقل خيل(ن) من صهيله شاد حيل(ن) يلعب المضمار حط وشيل(ن) ودونها مية سند
=
خدها فيه البياض وفيه نقطه من حمار ولا استهاض القلب وطار من يلومه لو سجد
=
طوله مع عرضه متساوي كاوي(ن) قلبي يا كاوي يجرح الخاطر ويداوي البحر لاجله طحين
=
عارف(ن) قدره وقدره لو تصب في الجوف جمره ما نسيتك يا ابو حمره لبا قلبك يا الجميل
=
يزهر الوردي سهامك يذبل ويسأل علامك لو تغيّب عن مرامك بعدك يا هو ليل(ن) طويل
=
لا تروح ولا تسافر يكفي حبي فيك غامر لو تضامر ما تضامر يا حبيبي الهم ليل
=
حاضر بحاضر عشانك اكتب الماضي والحاضر مثل ابو زهير كعب وإلا النابغه محمد سيرين
=
الفراق الفراق شي(ن) والله ما يطاق ارجعي تكفى ارجعي طالبك طلبت قتال
=
كثر من هو تحت إيدينك كثر من هو شاف عينك كثر ما رملك وطينك طالبك يلا تعال
=
والله ما اسكت والله لا اكتب كل ما هب الريح لا افقد كل ما شبت نار ما ارقد لو بعادك طال طال
=
يا ورق ارقص ورقّص غيرها دوّن ورخّص حبي لها هو أبخّص يا قوافي وش تبين
=
يا شعر رتب بيوتك وصايح انته بأعلى صوتك كل ما عندك يفوتك دام حبي عاج عاج
=
غارق(ن) في حبها بموت على وصلها يا ليتها يا ليتها تفهم مرادي يوم لاج
=
الهوى وهو الهوى يغار منا حنا سوى يبغى يفرق ما قوى ليته على الداءِ علاج
=
واجد من هم احلى مني لكن ما تلقين مني لا في ظني ولا في فني ارحمي من هو ونين
=
يا ويل ويل ويلي ويل ويل ويلي ويل ويل ويلي ويل ويل ويل ويلاه
=
من تعلق في هدومه ما سلم من قو سهومه لو تحّرك لو تبّرك ابد والله ما ينساه
=
يا قلم عبّر وطمّر كل سطر سطّر وسطّر كل وصف وّصف ووّصف اشرح لي عن حلاه
=
دامك انت إلي رحت وجبت ما عندي وصرت كل مالي ومالي طرت هذا ما حبي يبين
=
ساره يا ساره تكفين من حاره لحاره تبين من كاره لكاره وش عليها لو تصير
=
كل من ناظر وكحّل كل من هاجر ورحّل لو نظرها لو نظرها عمره والله ما يحير
=
رسمها فيه الدلع فيه الولع فيه الطمع فيه الغنج فيه الولج يالله يا ربي تجير
=
يا رجل لو شفتها على عجل لا لحقتها ما طلتها ما سقتها بعض الهوى ما هو يزين
=
راجعي نفسك عشاني الفراق ترى ثواني ثم يجي بعده تفاني وش يفيد وش يفيد

Admin · شوهد 9 مرة · 0 تعليق

30 يوليو 2008

موت الازهار

ألا يا نهر لا تنشف موتك موت الازهار = وموت الحب في قلبي مصيبه وين اخفيها
يجذبني سكوت الليل واقوم ابيّح الاسرار = ما أدري وش اقول ولا ادري نفسي وش فيها
يغيب النجم والقمره ويبدا هاجس التذكار = ونار الشعر تشعلها قوافي من يطفيها
يشاورني هجوسي لين تغرّب في هواه وطار = يحلق في سما فكري باكثر نواحيها
يواحشني يسايرني يكذبني وأنا أحتار = غريب العقل لا فكّر تبيّن لك خوافيها
قصير الجزر لو حتى معاه الامواج كثار = ولا اذكر ان الجزر يواطن المد ويدانيها
ألا يا بحر قلي كم في بطنك ناسٍ أحرار = ذبحهم موج طامي وراحوا مع عطاويها
انا مثل الذي شاف الموج اقبل عليه ودار = ذبحه وطارت أشلائه (قطع)من يواريها
عرفت ان الفراق اقسى من إلي داخل الاسوار = ما يقدر يطلع لبره ولا يقدر يخفي ما فيها
تجمع في فوادي كبت وألم ودمعتين صغار = دموعٍ لو يدري كيف أبكي ما يسويها
همي في زفيري وشهيقي أكنها بإصرار = وانام واصبح والكنه في صدري مع كاويها
ألا يا نهر قلي وين وصل حالي من الاطوار = غريبه حالتي والله ولا شخصٍ يداريها
ألا يا نهر لا تنشف موتك موت الازهار = وموت الحب في قلبي مصيبه وين اخفيها

Admin · شوهد 15 مرة · 0 تعليق

انتقل الى الصفحة: الصفحة السابقة 1, 2, 3, 4, 5, 6 الصفحة التالية

موقع الشاعر / عدنان كريزم

آخر التعاليق

يومية

بحث

إعلان

من على الخط؟

رخصة النشر (Syndication)

صندوق الحفظ

الروابط