قم ياقلم واكتب عن الشعر بيتين=
 
وانثر على بيض الورق معجزاتي
 
شاعر ومالي بالشعر غير يومين=
 
لكن شعري طاف شعر الزناتي
 
اقطف قصيدي من زهور البساتين=
 
زهره مع زهره تكون صفاتي
 
اكتب على المسحوب والوافر الزين=
 
والقي على الصخري همومي وذاتي
 
اكتب فخر.. واكتب قهر.. كل الاثنين=
 
ماهمني لو كان فيها مماتي
 
اكتب غزل في حب روضه ودارين=
 
دارين هذي قطعة ٍ من حياتي
 
لاقلت شعري صفت الناس صفين=
 
مثل الصفوف اللي تقيم الصلاتي
 
كل ٍ يبي يسمع ويملى به العين=
 
كم واحد ٍ فالشعر سوى سواتي
 
حطيت انا للشعر عرف وقوانين=
 
واكثر بحور الشعر من منجزاتي
 
ولاقالت العربان وين الشعر وين=
 
خل العرب يقرون فمذكراتي

أرجوك حاول ترتقي بالفكر وتخلي العناد = إلي مضى ماضي والافضليه إنه ما يعود
لا تنبش الجرح الدفين المشكله ما له ضماد = خلني كذا متأمل الوقت الذي يرقى سنود
سلمت نفسي للسهر والعين ما تعرف رقاد = صاحي لوحدي في همومي والعباد كلهم رقود
 لا تحسب إني مهتني بالقرب وإلا في البعاد = قربك جمر ملتهب وبعدك صنف من البرود
خذ الخبر يا صاحبي خذ مني العلم الوكاد = خلنا مثل دول تفصل عن ارضهم غير الحدود
خلني فالبعثره مثل المطر لا صب بواد = خلني أجمع شتاتي والوعد بعده يا كود
دامك إنت إلي هجرت وبعت له كل الوداد = وش بقى لي في حياتي والدروب صارت سدود
خذ منه الدفا واتركني بس على البراد = كأني كما واحد (ن) في غابه ما به إلا الاسود
كنت لي مثل الذي يحميني من عصر الشداد = والحين ابكي من هجيرك وملجأي لم الشرود
دمعتي وقت الفراق تليّين حتى الجماد = في وقت فراقنا في يدي باقة من ورود
من يوم أقفى هالحبيب وعيوني تعلن الحداد = صرت اشوف نفسي أمشي وانا بوضع القعود
قلبي اصبح لي قبري والفراق هو المهاد = الشهود كل يوم تزود والبلا كل يوم تزود
من حلاتك انتي كل الناس لعيونك تقاد = والبلا ان عيونك تخلي العرب كلهم تقود
شف حالتي كيف وصلت والزرع ماله من حصاد = كرهت كل الاوفياء وكرهت معهم العهود
سافرت من ديره لديره وانقطع حبل القياد = مثل الطرود إلي  يجمعها له راعي الطرود
أتبع طريق وأسلكه بالاخر ما ألقى المراد = الدنيا في عيني تضيق وتقلب الايام سود
الغريب ان الغلا في فراقك يا حبيبي زاد = واشواقي أقبلت يمك كما تقبل وفود
دمرت عقلي ملي بملي وضيّعت الرشاد = الله يرحم أمك وابوك إفهم المقصود
المشاعر بين إيدينك تحت رحمت الزناد = لا تسلم الروح الابيه بالمصير إلي يسود
طول عمري أبغى اجدد الفكره ولا به من جِداد = ببقى كذا ببقى كذا شكلي والله محسود
إنسى يا ضميري واعتبر هذا كبوة جواد =  فسرت لهم نقطه(ن) من بين قائمة البنود
الخيره فيما إختار ربي ما لنا فيها مزاد = قفل الجوال حقك وشغل خدمة الموجود

دموع العين والعبرات وليلٍ ما يفارقني=
هجير البرد هجير الليل هجيرٍ ما تناساني

عظيم الهم شحيح الحظ وغمٍ مير يكابدني=
سليل الدم عظم مكتظ على حالي ما واساني

حسبت ان الهوى شخصٍ من حبه يحضني=
واثرني كنت احضن شخصٍ عمره ما جاني

يا ليل خفف من ألالامي ترى همي مشغلني=
ترى يا ليل أنا همي من صغري ما خلاني

أروح شمال يجيني يمين ولو سافرت حصلني=
ولو عاديته في لحظه ما هملني ، عاداني

لقيته في دواهي ليلي إلي يما عذبني=
خذيته وقلت ما غيرك وما غيرك احد ثاني

مع الايام حبيته وبسرعه يا هو علقني=
اصبح لي كل احلامي وأيامي والاماني

على الزواج تواعدنا وما عاد صبر يصبرني=
تحدد موعد الخطبه وعلمت هلي وشيباني

جمعت إلي أقدر عليه على شان أبني وأبني=
بيت الحب إلي يختلف عن باقي المباني

وفجأة دق جوالي وانا في الفرحة متهني=
رفعت الخط وقالت تكفى ما عاد يمداني

سألتها وش فيك؟ وليش ؟ لا يكون الخطا مني=
ترى يا عمري عمر الخطا ما كان برهاني

قالت لي ليش تتأخر في وعدك يوم توعدني=
هذا واحد تقدم لي وابوي بالخبر جاني

ضحكت وقلت اكيد انتي تبين بس تضحكني=
قالت قسم برب البيت إن إلي جاك جاني

وانا وافقت لان ابوي يا قلبي هو جبرني=
وانا رضيت بالواقع وكيّفت وضعي الحاني

قلت وشلون وهالاحلام وهالامال والوني=
والطلعات والنزلات والبكى من داني

وابوك بأي حق يوافق وكل يوم هو يطمني=
على اي اساس يرفضني والوفا مني باني

قالت لا تزود همي يا قلبي ترى هدني=
وقبل شوي امي تحدد الموعد مع اخواني

روح ابعد لدنياك انا ارجوك لا تغربلني=
ما ابغى اواجه الموقف إلي هو تحداني

قلت تكفين يا عمري يا حبي لا تقطعّني=
قول إنك مزوح وتبغى تهوّن إلي بلاني

قالت عسى دربك خضر تفضل الحين ودعني=
انا ما ابغاك انا اكرهك انا والله ما أداني

وفجأة صرت كما واحد وكنه قام يصفقني=
وانا من حرته قمت ومسكته للوغى فاني

تعالي انتي يلي بعتني في وقت بيّعني=
تعالي يا حبيبت قلب ملكتي كل ما هاني

بكل بساطه تقول ابعد وتدري انه يحرقني=
بكل بساطه تنهي حبنا إلي كان ما كاني

قلبي جن وصدري كن وضميري قام يبهذلني=
عيني تدمع وكل ما فيني والله واساني

قالت..؟ قلت ؟ لا تقولي ترى كل شي بيّني=
كذا  الدنيا تفرحنا ومليون مره تنعاني

قالت بعطيك كرت الزواج للي يجاملني=
اكيد انك  حبيبي بتجي وتجر ألحاني

قلت لا والله؟ شي غريب؟قسم بالله ما يجيني=
ترى يا هييه لا قلبي لعبه ولا كياني

ما ودي ابكي لكن بدعي والاكثر انته خابرني=
ترى الشاعر مصيبه فيه لو كان طويل لساني

يا ليت(حرمه) ترميك ع المنصه بالفناجيني=
ويطيح عقال هالغبي إلي جنبك من شاني

عسى الارض من تحت رجولكم تتزلزل وتدني=
ويطيح السقف على روسكم ولا فيكم عواني

وقتها عساك تموت ويموت معك إلي عذبني=
وعساكم ما تلقون إلي يدفنكم بالباني

قسم بالله ماني شين بالعكس الكل يعرفني=
ما عزني شعر(ن) كتبته ولا فلان الفلاني

يالله عطفك على الدنيا يالله ابغى تجملني=
انا ما ابغى اعيش دام الحبيبه تتناساني

قصيدي هذا وصية وقولوا لها لا تذكرني=
وانا والله ما عاد ابغى شي اسمه خلاني

يالله أنا طالبك ترحم من هو وسط القبر = ترحمه من واسع الرحمه ولا انته به بخيل
 يا مجري الرياح ومسخّر الماء للزهر = خالق الكون الاله مجلسه عرش(ن) جليل
يا الله عبدك اليتيم يبغى ثوابه من الاجر = يبغى رضاك بوقت ضاع فيه الرجا مع الدليل
بليلة(ن) قمرى وفكري للسما يرسم بدر = أتخيّل صورته مدري عيني له تخيل
جوي وقتها هادي اشبه بجو من السمر = من شدة الموقف ، اصايح ودمعي يسيل
أسأله وينك رحت وما تركت لي خبر = ليش ترحل بدري ترحل مو هذا وقت الرحيل
قال لي هذي حكمت ربك وهذا قدر = لا لي فيها مسأله ولا لي فيها أي حيل
قلت له من بعد رحليلك ما بقى لي ظهر = غير همٍ يشتريني ويسكن في قلبي عليل
قال مقدر اخدمك انا وصلت من السفر = عند ربي في نعيمه ابداً والله ما يزيل
قلت مالي غير أبكي والبكى يجبر كسر = ما آكل وما آمل حتى بالوقت السليل
 وقام وهمّم بالرحيل وقلت له تكفى الصبر = يمكن ما أقدر ألمحك ليلي ترى ياخي طويل
وقتها راحت الصوره وأسمع شي(ن) ينكسر = والهوى هب ومهبه يرعب حتى النخيل
كن بعد فرقاه اجذبت الارض وما به مطر = وناظر فروع الشجر من وحشته صارت هزيل
غاب النهار المرتوي وغيّم الليل وحضر = وابتدا خوفي يخوفني وانا قلبي ذليل
أجلس ابكي وابكي لين يأذن مأذن الفجر = والدموع يا صاحبي هي كل ما املك من حصيل
يالله أنا طالبك ترحم من هو وسط القبر = ترحمه من واسع الرحمه ولا انته به بخيل

لا جالك هوجاس الليل وابتدا شغل الخيال  = جمّعت الكلام إلي ما قد حصل له مثل
البارحة حالتي أشبه والله بالمحال  =  اشوف السماء ونجومه كما حبة رمل
ساعدني الحظ إلي كنه يقول لي تعال  =  وإوصف لي حبيبتك يلا وبدون عجل
قلت له يمكن يطول فيني وفيك الجدال  =  بعدين يجيلك طفش وإلا يجيني كسل
قال روّح ما عليك الزمن لو فيني طال  =  انا أنصحك الحين وترى النصيحه بجمل
قلت هذي في مقام عندي ملكة جمال  =  لو يجي إلي يجي ولو رحل إلي رحل
الادب الاخلاق الحياء مع حبة الخال   =  المبسم الممشى الهدب يومه يهل
شعرها فيه الحروب وكثر فيها القتال   =  من كحّل في خصلتها غصبٍ انه ينقتل
من ناظره بس نظره يرجع ويعيد المنال  =  ولو ناظر الفاهم اصبح من نظرته خبل
يا حلال الصحيب وإلا يا صحيب الحلال  =  يإلي نظرتك كنه سيفٍ و ناوي يسل
خشمها كنه كما رجل(ن) احلامه طوال   =  عديتهم من معزتها رجل ورى رجل
فمها فيه ( توته ) وعنقود العنب حبال  = من ذاق طعمه ابد ما خطر له إنه يمل   
من طول العنق فيها سارقتها من الغزال  =   كنها تقول للناس ترى الحين دوري حل
والصدر اقرب مثال له كن قمة الجبال  =  كل نهدٍ فيها كنه يمثل قمة جبل
والبطن يا هو قطعني كما قطعة وصال  =  غديت كما شخصٍ معمول فيه عمل
أدري يا عرب أدري كل مقامٍ له مقال  =  لكن أفكاري كثيره  ولا كثر النمل
إنتي أحطك حزام ودرع جنب وراس مال  =  تنقذيني من هجومٍ يقوده القمل
تغيرت العمله والريال هو الريال  = انتبه يا صديقي لا تتوغل في الجمل
شاعرٍ لي كلمتي ما أوفر فيها مجال  =  من صلب وايل ما يقدر يردني أمل