رخصة النشر (Syndication)10 غشت 2008
العاشق إلي ما شرت عينه النوم .. حاله مثل حالي وما عندنا فرق
سهران يبكيها وإهمومه هموم .. وهمي كما الاعصار يلمع به البرق
قالت خطاتك قلت مانيب معصوم .. قالت حياتك قلت طارت كما الورق
قالت عهودك قلت مانيب ملزوم .. قالت وجودك قلت سارت على طرق
الحب مثل الحرب هازم ومهزوم .. كرّن معا فرّن وسهومها زرق
بالامس يوم ارجوك نظره معا زووم .. في بؤرت عيونك تسرق بها سرق
سهّرتني ودمعي وصل حد الكموم .. واحرقت حبن ما يبي منّك الحرق
جمّعت همن ما يجمّعه محكوم .. وعوّمت دمعن ما يعوّمه لو غرق
كنتي جهاتي يوم ضاعت بي علوم .. والحين ما أميّز وين الغرب والشرق
تهدم بنايت حب ما هوب مهدوم .. تقطع عروق الوصل عرقن ورى عرق
شاعرك من صدّك غدا شعره إسلوم .. يطرق بحور الشعر طرقن ورى طرق
حاسب غرامه كان دمعه معا لوم .. ما يدري ان الحب لعيونها يرق
العاشق إلي ما شرت عينه النوم .. مالت عليه إغصون هجرك ولا رق
30/07/2008 على الساعة 11.19:14
من طرف عقيل كريزم